ఐఆర్‌సీటీసీ నుంచి హైదరాబాద్-తిరుమల టూర్... ప్యాకేజీ వివరాలివే

తిరుమల వెళ్లాలనుకుంటున్నారా? తిరుపతి టూర్ ప్లాన్ చేస్తున్నారా? మీకు శుభవార్త. ఇండియన్ రైల్వే కేటరింగ్ అండ్ టూరిజం కార్పొరేషన్-IRCTC 'అర్చనం' పేరుతో ప్రత్యేకమైన టూర్ ప్యాకేజీ అందిస్తోంది. ప్రతీ గురువారం హైదరాబాద్ నుంచి ఈ టూర్ మొదలవుతుంది. తిరుపతి, తిరుమల, కాణిపాకం, శ్రీపురం, శ్రీకాళహస్తి, తిరుచానూర్ ప్రాంతాలను కవర్ చేస్తుంది. 3 రాత్రులు, 4 రోజుల టూర్ ప్యాకేజీ ఇది. ఐఆర్‌సీటీసీ టూరిజం వెబ్‌సైట్ https://www.irctctourism.com/ ఓపెన్ చేసి ప్యాకేజీ బుక్ చేసుకోవాలి. టూర్ ప్యాకేజీలో స్లీపర్ లేదా థర్డ్ ఏసీ ప్రయాణం, తిరుపతిలో ఏసీ అకామడేషన్, ఏసీ వాహనంలో సైట్ సీయింగ్, తిరుమలలో ప్రత్యేక ప్రవేశ దర్శనం, బ్రేక్‌ఫాస్ట్, లంచ్, డిన్నర్, ట్రావెల్ ఇన్స్యూరెన్స్ కవర్ అవుతాయి.